भैरहवा । रुपन्देही जिल्ला प्रहरी प्रमुख एसपी मनोज कुमार केसीले प्रविधि र पुलिसलाई सँगै जोडेर काम गर्ने बताएका छन् । हालै मात्र सरुवा भई रुपन्देही प्रहरी प्रमुख भएर आएका एसपी केसीले भैरहवामा सञ्चारकर्मीहरुसँग चिया कार्यक्रममा बोल्दै स्वच्छता र इमान्दारितालाई तल्लो तह सम्म पु¥याई कार्यान्वयनका लागि पहल गर्ने बताए ।
मोरङ जिल्ला प्रहरी प्रमुख सहित विभिन्न जिल्ला र प्रहरी हेडक्वाटरमा काम गरिसकेका केसीले इमान्दारिता बोकेर नै रुपन्देही आएको बताए । ‘स्वच्छता र इमान्दारिता कार्यान्वयन गराउनका लागि आएदेखि नै ‘बेष्ट इन्टीग्रिटी इन्चार्ज’बाट प्रत्येक महिना यहाँका युनिट इन्चार्जहरुलाई सम्मान गर्ने गरी योजना बनाएको छु ।’ उनले सुनाए ।
उनले जिल्लामा १३ वटा प्रहरी निरिक्षक र प्रहरी नायब उपरिक्षकको कमाण्डमा रहेका युनिटहरुबाट एक जना र सई÷असईको कमाण्डमा रहेको ४६ वटा युनिटबाट ३ देखि ४ जनालाई उत्कृष्ट इन्चार्जबाट सम्मान गर्ने बताए । ‘यसरी यो अवार्डबाट जो बञ्चित हुन्छ त्यसलाई निगरानीमा राखी उसको कार्यदक्षता अनुसार अन्यत्र लगाउँछु,’ उनले बताए ।
इन्चार्ज प्रहरीको आचारण, भष्ट्राचारमा संलग्नता, मातहतमा भ्रष्टाचार नियन्त्रणको भुमिका र इन्चार्जको मातहत भएको कामको जानकारी वा सूचनाका आधारमा उक्त सम्मान अवार्ड वितरण गरिने उनको भनाइ थियो । ‘म गर्दिन, अरुले पनि गर्दैन् भन्ने सोचका साथ इमान्दारिता मेरो पहिलो प्राथमिकता रहेको छ ।’ उनले भने ।
पत्रकारहरुको जिज्ञासालाई सम्बोधन गर्देै एसपी केसीले कोरोना महामारीमा सबै जुट्न सर्तकता अपनाउन, पत्रकारलाई सहज र छिटो सूचना उपलब्ध गराउन र पत्रकारहरुसँग सहकार्य र समन्वय गर्ने, यस क्षेत्रका समस्या समाधानका लागि सबैको सहयोगका साथ पहल गर्ने प्रतिबद्धता जनाए ।
