बुटवल । राजनीतिक दल विभजनलाई सहज बनाउने गरी सरकारले ल्याएको राजनीतिक दलसम्बन्धी अध्यादेशको बिरोधमा युवासंघले बुटवलमा बिरोध प्रदर्शन गरेका छन् ।
सरकारले ल्याएको अध्यादेश गैर-लोकतान्त्रिक भएको भन्दै मंगलबार साँझ बुटवलमा राष्ट्रिय युवासंघ रुपन्देहीले बिरोध प्रदर्शन गरेको छ ।
सरकारले २० प्रतिशत केन्द्रीय सदस्य वा सांसदहरूले चाहेमा दल विभाजन गर्न सक्ने गरी राजनीतिक दलसम्बन्धि अध्यादेश ल्याउने निर्णय गरेको थियो । धानमन्त्री शेरबहादुर देउवाले आफ्नो नेतृत्वको सरकारको बुहमत टिकाइराख्न थोरै संख्यामा पनि दल विभाजन गर्न सक्ने प्रावधान सहितको अध्यादेश जारी गर्ने निर्णय मन्त्रिपरिषद्बाट गराएको उनीहरुको आरोप छ ।
मन्त्रिरपरिषदले जारी गरेको शिफारिस राष्ट्रपति कार्यालयमा पुगेको छ । राष्ट्रपतिले प्रमाणिकरण गरेमा अध्यादेश जारी हुनेछ । प्रधानमन्त्री निवास बालुवाटारमा मंगलबार बसेको मन्त्रिपरिषद् बैठकले दल विभाजनसम्बन्धि अध्यादेश राष्ट्रपतिकहाँ सिफारिस गरेको एक मन्त्रीले जानकारी दिए ।