पोखरा । पोखराको लेकसाइडमा ‘होटल निवास’ प्रालि सञ्चालनमा आएको छ । युवा व्यवसायीको लगानीमा पर्यटकीय सहर पोखराको लेकसाइड नजिकै गुणस्तरीय होटल सञ्चालनमा आएको हो ।
‘होटल निवास’मा सुविधा सम्पन्न ३६ कोठा रहेको सञ्चालक डिल्लीराज पाण्डेले जानकारी दिनुभयो । फिटनेस सेन्टर, निःशुल्क निजी पार्किङ, बगैचा र साझा लाउन्जसहितको आवास उपलब्ध रहेको यस होटलले चौबिसै घण्टा फ्रन्ट डेस्क र सुरक्षा सेवा प्रदान गर्ने उहाँले बताउनुभयो ।
होटलमा विभिन्न कार्यक्रमका लागि पाँचसय बढी क्षमताको ठूलो हल तथा साना हलहरु सहित इनडोर पूल, स्पालगायतका सुविधा समेत छन् ।
यसैबिच होटल निवासले अङ्ग्रेजी नयाँ बर्ष न्यु इयर इभको अवसर पारेर गाला डिनरको समेत आयोजना गर्ने भएको छ । प्रति व्यक्ति रु दुई हजार शुल्क लाग्ने डिनर बेलुकी ७ बजेदेखि सुरु हुनेछ । उक्त गाला डिनरमा स्टाटर, मेन कोर्स र डेर्जट सँगै वेलकम ड्रिङसको समेत व्यवस्था रहेको होटलका सञ्चालक पाण्डेले बताउनुभयो ।
पोखरामा आउने आन्तरिक तथा बाह्य पर्यटकलाई गुणस्तरीय सेवा प्रदान गर्न ‘होटल निवास’ सञ्चालनमा ल्याइएको पाण्डेको भनाइ छ ।
