गुल्मी । गुल्मीमा स्मार्ट फोनको टावरमा आगजनी भएको छ । धुर्कोट गाउँपालिका ६ धुर्कोट रजस्थलमा रहेको टावरमा गएराति आगजनी भएको हो । करिव पाँच वर्षदेखि धुर्कोट कोट नजिकै स्थानीय कमल थापाको बारीमा स्मार्ट फोनको टावर संचालन भएको वडाध्यक्ष कृष्ण बहादुर नेपालीले बताए ।
घटनास्थलमा वस्तु प्रहरीचौकीबाट असई लोकमान ताम्राकारको टोली पुगिसकेको छ । ताम्राकारका अनुसार राती करिव ११ बजे आगो लागेको हो । टावरको ओडि बक्स पूर्ण रुपमा जलेकाले स्मार्ट फोनको नेटवर्क पूर्णरुपमा अवरुद्ध भएको छ ।
घटनाका विषयमा प्रहरी प्रशासनलाई जानकारी भइसकेकोले कसले आगो लगाएको हो भन्ने विषयमा थप अनुसन्धान अगाडि बढ्ने गाउँपालिका प्रमुख भुपाल पोख्रेलले बताए ।
कोटमा अन्य संचार माध्यमका टावर तथा संचार उपकरण भएपनि कुनै क्षति नभएको पोख्रेलले बताए ।