पाल्पा- पाल्पाको बगनासकाली गाउँपालिका ९, बगनासमा रहेको एनसेल टावरमा आगजनी भएको छ ।
आईतबार बेलुकी ९ः४५ को समयमा बगनासको टावरमा आगजनी भएको जिल्ला प्रहरी कार्यालय पाल्पाका प्रमुख दिपेन्द्र जिसीले बताए । आगजनीका कारण टावर पुर्ण रुपमा जलेर ध्वस्त भएको छ ।
आगजनीको कारण टावरको जेनेरेटर, विटिएस सिस्टम, जिएसएम एन्टेना,ब्याट्री प्यानल, मिटर बक्स सहित तार पुर्णरुपमा जलेको छ ।
विप्लब नेतृत्वको माओवादीले आगजनी गरेको हुन सक्ने आशंका प्रहरीले गरेको छ । घटनाको बारेमा थप अनुसन्धान भईरहेको प्रहरीले जनाएको छ ।