दाङ-प्यूठानमा बाटो खन्दाखन्दै खसेको पहिरोमा परेर डोजर चालकको मृत्यु भएको छ।
जिल्ला प्रहरी कार्यालय प्यूठानका प्रमुख डिएसपी सुनिल मल्लका अनुसार मदन भण्डारी लोकमार्ग अन्तरगत माण्डवी गाउपालीका-१ डाम्री खोला नजिकै बाटो खनिरहेको बा २ क ६९३९ नम्बरको डोजरलाई पहिरोले पुरेको हो।
सडक माथिवाट खस्दै गरेको पहिरो देखेर ज्यान बचाउन डोजरबाट हाम फालेका अर्घाखाँची शीतगंगा नगरपालिका-८ लापेका ४० वर्षिय नरसिंह वुढा मगरको घटनास्थलमै मृत्यु भएको प्रहरीले जनाएको छ।