बुटवल । पृथ्बी राजमार्ग अन्तर्गत नारायणगढ–मुग्लिन खण्ड सडक खण्डको १७ किलोमा यात्रुबसमा पहिरोसँगै झरेको ढुंगाले लागेर चालकको मृत्यु भएको छ ।
बिहान साढे तीन बजे आसपासमा खसेको पहिरोसँगै आएको ढुंगाले लागेर बसका चालक नवलपरासीका मेघनाथ विकको मृत्यु भएको हो ।
बुटवलबाट काठमाडौं जाँदै गरेको लु २ ख ६५६६ नम्बरको बसलाई ढुंगाले लाग्दा गम्भीर घाइते भएका चालक विकको उपचारका क्रममा चितवन मेडिकल कलेजको शिक्षण अस्पतालमा मृत्यु भएको प्रहरीले जनाएको छ ।