पाल्पा-पाल्पामा आइतबार ३ जनामा कोरोना भाइरसको संक्रमण पुष्टि भएको छ। तीमध्ये १ जना महिला तानसेन नगरपालिकाको मदनपोखराकी हुन्।
शुक्रबार लुम्बिनी मेडिकल कलेज प्रभासमा उपचारको लागि गएकी ती महिलामा कोरोना भाइरसको लक्षण देखिएपछि शनिबार स्वाव संकलन गरी परीक्षणका लागि प्रयोगशाला पठाइएको थियो।
आइतबार उनको रिपोर्ट पोजेटिभ आएको जिल्ला स्वास्थ्य कार्यालय पाल्पाका सूचना अधिकारी ओमप्रकाश पन्थीले जाानकारी दिए। अरु २ जना रामपुर नगरपालिकाका पुरुष हुन्।
पाल्पामा हालसम्म ५ सय ६६ जनामा कोरोना संक्रमण भएको छ। आइतबारसम्म पाल्पामा सक्रिय संक्रमित ४ जना छन्।