पाल्पा-पाल्पा जिल्लामा थप एक जनामा कोरोना संक्रमण पुष्टि भएको छ । उनी तानसेन नगरपालिका १२ का एक जना पुरुष रहेको स्वास्थ्य कार्यालय पाल्पाले जनाएको छ ।
स्वास्थ्य कार्यालय पाल्पाका सूचना अधिकारी ओम प्रकाश पन्थीका अनुसार उनी भारतबाट आएर होम क्वारेन्टिनमा बसिरहेका थिए। उनलाई अब आइसोलेशनमा राख्ने तयारी भइरहेको छ ।
पाल्पामा अहिलेसम्म ५ सय ६५ जनामा कोरोना संक्रमण देखिएको छ । उनीहरुमध्ये ५६४ जना भारत बाट आएका हुन् भने एक जना समुदाय स्तरको रहेको स्वास्थ्य कार्यालय पाल्पाले जनाएको छ । कोरोनाको कारण पाल्पामा १ जनाको मृत्यू भएको छ भने ५६० जनाले कोरोनालाई जितेर घर फर्किएका छन् ।