बुटवल-बुटवल क्षेत्रमा बुटवल उपमहानगरपालिकाले लगाएको निषेधाज्ञाको अवधि सकिएपनि जिल्ला प्रशासन कार्यालय रुपन्देहीले जिल्लाभर लगाएको निषेधाज्ञा कायमै छ।
बुटवल उपमहानगरपालिकाले जिल्ला प्रशासन कार्यालयको निषेधाज्ञा जारी रहेकाले अर्को निर्णय गर्नुनपर्ने जनाएको छ।
समुदायस्तरमा कोरोना संक्रमण देखिएपछि उपमहानगरले साउन २९ गते राती ११.४५ देखि आज राति ११.४५ सम्म लकडाउनको निर्णय गरेको थियो।
तर, जिल्ला प्रशासन कार्यालयले भने भदौ २ गतेदेखि ७ गते राति १२ बजेसम्म निषेधाज्ञा लगाएपछि बुटवलले थप निर्णय गर्नुनपर्ने बुटवल उपमहानगरपालिकाका प्रेस सल्लाहकार अमृत गिरीले जानकारी दिए।