नेपालगञ्ज–बाँकेमा पछिल्लो २४ घण्टामा २६ जनामा कोरोना भाइरसको संक्रमण पुष्टि भएको छ। भेरी अस्पताल नेपालगन्जको प्रयोगशालामा गरिएको पीसीआर परीक्षणमा थप २६ जनामा संक्रमण पुष्टि भएको हो।
बाँकेमा साउन १७ गतेदेखि जारी निषेधाज्ञालाई थप ३ दिन लम्ब्याईएको छ। जिल्लास्तरीय कोभिड–१९ संकट व्यवस्थापन केन्द्रको मंगलवार बसेको बैठकले कोरोना भाइरसको संक्रमण समुदायस्तरमा फैलिएकोले साउन ३० गतेसम्म निषेधाज्ञा जारी राख्ने निर्णय गरेको छ।
नेपालगन्जमा तीन दिन अघि जारी गरिएको एरिया सिललाई भने हटाइएको छ। शनिवारराती १२ बजे मंगलवार राती १२ बजेसम्मका लागि जारी गरिएको एरिया सिल बुधवारदेखि लागु हुने गरी सील हट्ने भएको छ। नेपालगन्जको सुर्खेतरोड पूर्वको क्षेत्रलाई सिल गरिएको थियो।