बुटवल-कपिलवस्तुमा चियाले पोलेर एक बालिकाको मृत्यु भएको छ। कपिलवस्तुकै शुद्धोधन घर भइ कपिलवस्तु नगरपालिका ८ मैनिहवामा बस्दै आएका गुलाम मुसलमानकी १ वर्षीया छोरी सोफियाको चियाले पोलेर मृत्यु भएको हो।
चियाले पोलेपछि उपचारका लागि कपिलवस्तु अस्पताल लगेपछि उपचारका क्रममा मृत्यु भएको बाबु मुसलमानले बताए। अस्पतालमा लगेपछि उपचारमा स्वास्थ्यकर्मीले लापरबाही गरेको उनको आरोप छ।
तर, अस्पतालका मेडिकल सुपरिटेन्डेन्ट किशोर बन्जाडेले स्वास्थ्यकर्मीको लापरबाही भन्दा पनि चियाले पोलेर सख्त घाइते भएकी उनको उपचारमा लापरबाही नभएको बताए।
स्वास्थ्यकर्मीको लापरबाहीका कारण बालिकाको मृत्यु भएको भन्दै स्थानीयले अस्पतालअगाडि नाराबाजी गरेका थिए।