बुटवल-प्रदेश ५ की सांसद कृष्णा केसीलाई कोरोना भाइरसको संक्रमण पुष्टि भएको छ। उनले सामाजिक सञ्जाल फेसबुकमा आफु कोरोना भाइरसबाट संक्रमित भएको जानकारी गराएकी छिन्।
उनी कोरोना संक्रमण फैलिएको क्षेत्रमा जनतामाझ गएको समयमा संक्रमण भएको हुनसक्ने भन्दै आफ्नो सम्पर्कमा आएकाहरुलाई सेल्फ आइसोलेशनमा बस्न र पीसीआर परीक्षण गराउन आग्रह गरेकी छिन्।
सांसद केसीले भनेकी छन्-'एक हप्ता यता मसँग सम्पर्कमा आएकालाई सेल्फ आइसोलेसन तथा पीसीआर जाँच गराउन अनुरोध छ।'
कोरोनाको कहरका बीच बाँकेको नरैनापुरमा बिजुली बाल्नका लागि पहल गर्न उनी खटिएकी थिइन्।
राप्तीसोनारी गाउँपालिका ९ बाँकेकी उनी बाँकेको निर्वाचन क्षेत्र १ (१) मा नेकपाबाट प्रत्यक्ष निर्वाचित सांसद हुन्।
बाँकेमा नेपालगञ्ज उपमहानगरपालिका कार्यालय, राजश्व कार्यालयका आधा दर्जन बढी अधिकृतलाई कोरोना संक्रमण भइसकेको छ।