बुटवल-प्रदेश ५ का आन्तरिक मामिला तथा कानून मन्त्री कुलप्रसाद केसी सहित ४ जनाको पिसीआर परिक्षणको लागि स्वाब संकलन गरिएको छ। मन्त्री केसी, उनको गाडीका चालक र २ जना सुरक्षा गार्ड र पिएसओको पिसिआर परिक्षणको लागि स्वाब संकलन गरिएको मन्त्रीका स्वकीय सचिव पदम कुँवरले बताए।
मन्त्री केसी केही दिनअघि काठमाडौंमा कोरोना संक्रमित प्रदेश २ का समकक्षी ज्ञानेन्द्रकुमार यादवसँग एउटै कार्यक्रममा सहभागी भएका थिए।
प्रहरी समायोजन सम्बन्धी समन्वय समितिको बैठकमा प्रधानमन्त्री, गृहमन्त्रीसँगै सातै प्रदेशका आन्तरिक मामिला तथा कानून मन्त्रीहरु सहभागी थिए। कार्यक्रम सकेलगत्तै मन्त्री केसी बुटवल फर्केका थिए। हिजो बिहीबार मात्र प्रदेश २ का आन्तरिक मामिला तथा कानून मन्त्री ज्ञानेन्द्र यादवलाई कोरोना संक्रमण पुष्टि भएको थियो।