काठमाडौं-बालीनाली सखाप पार्ने सलहको केही झुण्ड फेरि बझाङ र पर्वतमा देखिएको छ।
धेरै दिनपछि बुधबार बझाङको केदारस्युँ गाउँपालिका र पर्वतको केही ठाउँमा झुण्ड देखिएको प्लान्ट क्वारेण्टिन तथा विषादी व्यवस्थापन केन्द्रका प्रमुख सहदेव हुमागाईँले जानकारी दिए।
सलहले बझाङको केही ठाउँमा बालीनालीमा सामान्य क्षति गरेको उनले बताए। तर झुण्ड तितरबितर भएर सानो सङ्ख्यामा भएकाले धेरै नोक्सानी गर्ने सम्भावना छैन। नेपालमा लगातार जस्तै पानी परेकाले धेरैजसो सलह मरेका थिए।
पानी परेको बेला निस्क्रिय भएर जङ्गलमा बसेका झुण्ड हिजो र अस्ति घाम लागेकाले फेरि सक्रिय भएको हुन सक्ने हुमागाईँले बताए।