बुटवल-समुदायमा कोरोना भाइरसको संक्रमण फैलिए/नफैलिएको अध्ययन गर्न बुटवलमा बुधबार २ सय ३४ जनाको एकैसाथ स्वाब संकलन गरिएको छ।
प्रदेश ५ सामाजिक विकास मन्त्रालय स्वास्थ्य निर्देशनालयले बुटवल उपमहानगरपालिकामा विभिन्न पेशा व्यवसायमा संलग्न व्यक्तिहरुको स्वाब पीसीआर परीक्षणका लागि संकलन गरेको हो।
पीसीआर परीक्षणपछि आउने रिपोर्टले बुटवल क्षेत्रमा कोरोना भाइरसको संक्रमण समुदायमा फैलिए/नफैलिएको प्रष्ट हुने स्वास्थ्य निर्देशनालयका प्रवक्ता रोशनलाल चौधरीले बताए।
समुदायस्तरमा कोरोना भाइरसको संक्रमण फैलिए/नफैलिएको अध्ययन गर्न प्रदेश ५ का अरु जिल्लाहरुमा पनि स्वाब संकलन भइरहेको उनले बताए।