बुटवल-रुपन्देहीमा नेत्रविक्रम चन्द विप्लव नेतृत्वका जिल्ला इन्चार्जसहित १० जना नेता हतियारसहित पक्राउ परेका छन्।
बुटवल उपमहानगरपालिका १७ रानीगञ्जस्थित गमबहादुर थारुको घरमा पार्टीको बैठक बसिरहेको अवस्थामा जिल्ला इन्चार्ज कपिलवस्तु वाणगंगा ४ का संगम पुन भनिने टेकबहादुर पुन, जिल्ला सचिवालय सदस्य रुपन्देही सैनामैना २ सोरौलीका विश्वास भनिने विष्णु भट्टराई, रुपन्देही जिल्ला सेक्रेटरी सैनामैना ५ गढवाका नविन चौधरीसहित १० जना पक्राउ परेको रुपन्देही प्रहरीले जनाएको छ।
उनीहरुको साथबाट मेड इन जापान लेखेको XX32 रिभल्वर १ थान र २ थान गोली, 9X19 लेखेको ४ राउण्ड गोली, विभिन्न कम्पनीका ६ थान मोबाइल, १ लाख ६८ हजार ४ सय ५ रुपैयाँ नगद र नेकपा माओवादीका दस्तावेजहरु बरामद भएको रुपन्देही प्रहरी प्रवक्ता खडकबहादुर खत्रीले बताए।
उनीहरुलाई सूचनाका आधारमा बैठकस्थल पुगेको इलाका प्रहरी कार्यालय बुटवलको टोलीले पक्राउ गरेर अनुसन्धान थालेको हो।
पक्राउ परेका व्यक्तिहरुको विवरण
१ संगम भन्ने टेक बहादुर पुन -रुपन्देही जिल्ला ईन्चार्ज
२ बिष्णु भट्टराई (विश्वास) सैनामैना २ सोरौली -रुपन्देही जिल्ला सचिवालय सदस्य
३ नविन चौधरी -सैनामैना न.पा.५ गढवा, रुपन्देही जिल्ला सेक्रेटरी तथा पूर्व जिल्ला जनसरकार प्रमुख
४ पारस राहादी- सत्यवती ३ ठुलोलुम्पेक गुल्मी, अनेरास्ववियु क्रान्तिकारी जिल्ला सदस्य
५ माधव न्यौपाने -बुटवल ७ दिपनगर जिल्ला सदस्य ३९
६ सरिता बराह- बुटवल १७ रानिगंज जिल्ला सदस्य
७ तुल्सीराम भण्डारी -बुटवल उमनपा ३ गोलपार्क रुपन्देही जिल्ला सदस्य
८ अजअहमद मिया -बुटवल ३ गोलपार्क रुपन्देही जिल्ला सदस्य
९ बल बहादुर दर्जी -बुटवल १० रामनगर रुपन्देही जिल्ला सदस्य
१० रोशन रिजाल-बुटवल १२ नयाँगाउ जिल्ला सदस्य