दाङ–जवरजस्ती करणी मुद्धामा बास्तविक जन्ममिति भन्दा दुई बर्ष कम जन्मिएको मिति राखेर सिफारिस गरेको अभियोगमा दाङमा दुई जना वडा सचिव सहित अर्का एक जना गरी तीन जनालाई प्रहरीले पक्राउ गरेको छ ।
घोराही उपमहानगरपालिका वडा नं. १ का वडा सचिव धनबहादुर केसी, घोराही उपमहानगरपालिका वडा नं. १३ वडा कार्यालयमा हाm खरीदार पदमा कार्यरत(तत्कालीन वडा सचिव) ५४ बर्षिय लिलाजित नेपाली र सोही वडा निवासी ४९ बर्षिय हुकुम बहादुर जि.सी.लाई प्रहरीले पक्राउ गरेको हो ।
२०५९ माघ १२ गते जन्म मिति भएको पीडित किशोरीलाई उमेर घटाएर २०६१ माघ १२ गते बनाउन सघाएको आरोपमा पक्राउ गरिएको हो । जन्ममितिको बास्तविक अभिलेखलाई सच्याएको अभियोगमा मुलुकी अपराध संहिता २०७४ को परिच्छेद २५ दफा २७६ (किर्ते गर्न नहुने) वमोजिम मुद्दा दर्ता गरी गरिएको छ ।
जबरजस्ती करण मुद्दामा पीडित केटीका बाबुले छोरीलाई न्याय दिलाउन छोरीको उमेर घटाउने कार्यमा ती दुई वडा सचिवले तत्कालीन समयमा सघाएको देखिएको पाईएपछी अनुसन्धानको लागी वडा सचिवलाई पक्राउ गरिएको हो । जबरजस्ती करणी मुद्दाका अभियुक्त युवक हाल पुर्पक्षका लागि थुनामा छन् ।
पीडक पक्षले केटीले उमेर घटाएको तथ्य फेला पारेर दाङ देउखुरी जिल्ला अदालतमा निवेदन दिएपछि अदालतले घोराही उपमहानगरपालिकालाई उक्त विषयमा जानकारी दिन पत्राचार गरेको थियो । घोराही उपमहानगरपालिकाले ती किशोरीको जन्म २०५९ जन्मेको प्रमाणित गरी पत्राचार गरेको थियो ।
पक्राउ परेका तिनै जना माथी आवश्यक अनुसन्धान भइरहेको प्रहरीले बताएको छ ।