बुटवल-रुपन्देहीको बुटवलमा २ जना २२ किलो चरेससहित पक्राउ परेका छन् । प्रदेश ५ प्रहरी कार्यालय तुलसीपुरले बुटवल उपमहानगरपालिका वडा नं १२ हरियाटोलका धनबहादुर दमाइको खाली घर खानतलासी गर्दा २२ किलो ५०० ग्राम चरेस फेला पारेको हो ।
सूचनाको आधारमा प्रहरी निरीक्षक प्रमोद क्षेत्रीको कमाण्डमा गएको प्रहरी टोलीले सोही ठाउँबाट गुल्मी मदाने गाउँपालिका ७ बस्ने २९ वर्षका मेघराज गिरी र रुकुम पूर्वको सिस्ने गाउँपालिका स्यालपाखा बस्ने ३५ वर्षका रतिभान दमाइलाई पक्राउ गरेको प्रदेश ५ प्रहरी प्रवक्ता राजकुमार वैदवारले बताए ।
यस्तै प्रहरीले बाँकेको राप्तीसोनारी गाउँपालिकामा लुकाएर राखेको बाघको छाला र हड्डी बरामद गरेको छ । प्रहरीले मकैबारीमा छाला लुकाएर राख्ने स्थानीय ४६ वर्षीय नवराज घर्तीमगरलाई पक्राउ गरेको छ ।