बुटवल–रुपन्देहीमा घरको छतमा खेल्ने क्रममा खसेर चार वर्षीय बालकको ज्यान गएको छ । रुपन्देहीको लुम्बिनी सांस्कृतिक नगरपालिका वडा नं १ शिवलहवा निवासी ओमप्रकाश यादवका छोरा अजयको घरको छतबाट खस्दा आज मृत्यु भएको प्रहरी प्रवक्ता प्रहरी नायब उपरीक्षक खड्कबहादुर खत्रीले जानकारी दिए ।
एकतले घरको छतबाट खसेका अजयको उपचारका लागि भैरहवास्थित मेडिकल कलेजमा लैजांदै गर्दा बाटामै मृत्यु भएको खत्रीले जानकारी दिए ।