दाङ–दाङमा एक जना वडा अध्यक्ष आफ्नो कार्यकक्षमै कुटिएका छन् । शान्तिनगर गाउँपालिका वडा नम्बर २ का वडा अध्यक्ष फर्साराम डाँगीमाथी कुटपिट भएको जिल्ला प्रहरी कार्यालय दाङका डिएसपी सुमित खड्काले जानकारी दिए ।
वडा अध्यक्षलाई कुटपिट गरेर घटना स्थलमा नेत्रविक्रम चन्द(विप्लव) नेतृत्वको नेकपाको पर्चा भेटिएको प्रहरीले जनाएको छ । मुखुण्डो लगाएर चारजनाको संंख्यामा कार्यालय भित्र प्रवेश गरेका ती व्यक्तिले कार्यकक्षमै प्रवेश गरेर कुटपिट गरेका थिए ।
‘कार्यालय समयमा कार्यकक्षमै वडा अध्यक्ष माथी कुटपिट भएको छ । रड जस्तो वस्तुले हानेर चोटपटक लागेको छ’डिएसपी खड्काले भने–‘घटना स्थलमा प्रहरीको टोली पुगेको छ । घाईतेलाई उपचारको लागी प्रादेशिक अस्पताल तुलसीपुर ल्याइएको छ । घटना स्थलमा प्रतिवन्धित विप्लव नेतृत्व नेकपाको पर्चा भेटिएको छ ।’
कुटपिटमा संलग्नको खोजी भइरहेको प्रहरीले जनाएको छ ।