बुटवल-रुपन्देहीमा भएको दुर्घटनामा १ जनाको मृत्यु भएको छ । तिलोत्तमा नगरपालिका ९ को भित्री बाटोमा मोटरसाईकलको ठक्करबाट घाईते भएका १ जनाको उपचारको क्रममा मृत्यु भएको हो ।
बुटवलबाट भैरहवा तर्फ जादै गरेको लु १७ प ३१७५ नम्बरको मोटरसाईकलले साईकलमा यात्रा गरिरहेका स्थानीय ६५ वर्षिय दिलमान राईलाई ठक्कर दिदा उनी घाईते भएका थिए ।
घाईते राईको उपचारको क्रममा क्रिमसन अस्पतालमा मृत्यु भएको प्रदेश ५ ट्राफिक प्रहरी कार्यालय बुटवलले जनाएको छ ।
सोमबार राती भएको दुर्घटनाबाट घाईते भएका राईलाई अस्पताल पुर्याए लगत्तै अस्पतालले मृत्यु भएको बताएको थियो ।
सोमबार बिहान मात्रै सैनामैनामा भएको दुर्घटनामा बाबुछोराको मृत्यु भएको थियो ।