बुटवल-बुटवलमा बालबालिकाले सलह कीरा संकलन गरेर बेचेका छन् । बुटवल ४ बीटीआई नजिक बस्ने अच्युत न्यौपाने र सविना थारूले सलह कीरा संकलन गरेर बुटवल उपमहानगरपालिकालाई बेचेका हुन् ।
उनीहरूले ८ किलो २ सय ग्राम सलह ल्याएको वडा नं ४ का कार्यवाहक अध्यक्ष सुरेन्द्र कुमार श्रेष्ठले जानकारी दिए । शनिबार राती सोही क्षेत्रका रूखहरूमा रहेका कीरा संकलन गरेर उनीहरूले वडा कार्यालयमा बुझाएका हुन् ।
उनीहरूलाई प्रदेश ५ सरकारले तोकेबमोजिम प्रतिकिलो २० रूपैयाँका दरले भुक्तानी हुने श्रेष्ठले बताए ।
प्रदेश ५ सरकारको कृषि मन्त्रालयले बालीनाली र बोटबिरूवा नष्ट गर्ने सलह कीरा समातेर नजिकको वडा कार्यालयमा बुझाए १ किलोको २० रूपैयाँका दरले मन्त्रालयले भुक्तानी गर्ने बताएको थियो ।