बुटवल-गाडी दुर्घटनामा परी बुटवलका पत्रकार कृष्णबाबु पाण्डेको मृत्यु भएको छ । बुटवल-भैरहवा सडक खण्डको तिलोत्तमा-१ ड्राइभरटोलमा शनिबार राती भएको दुर्घटनामा परि न्यूज २४ का बुटवल सम्वाददाता पाण्डेको मृत्यु भएको हो ।
राती बुटवलदेखि आफ्नो निवास नयाँमिलतर्फ जाँदैगर्दा बा ७ च ६९५९ नम्बरको आफैले चलाएको कार दुर्घटनामा परी घाईते भएका पाण्डेलाई बुटवलको चौराहा अस्पतालमा उपचारका लागि लगिएको थियो ।
३० वर्षिय पाण्डेको उपचारकै क्रममा शनिबार राती करिब १ बजे अस्पतालमा मृत्यु भएको हो ।
पोष्टमार्टमका लागि पाण्डेको शव अहिले लुम्बिनी प्रादेशिक अस्पताल बुटवलमा लगिएको प्रदेश ५ ट्राफिक प्रहरी कार्यालयका सूचना अधिकारी डिएसपी डिल्लीनारायण पाण्डेले जानकारी दिए ।