काठमाडौं । गण्डकी प्रदेशसभाका सांसद कृष्ण थापालाई पदमुक्त भएका छन् । सर्वोच्च अदालतले राष्ट्रिय जनमोर्चा र गण्डकी प्रदेशसभा सचिवालयको सांसद थापालाई पदमुक्त गर्ने निर्णयलाई सदर गरेपछि उनी पदमुक्त भएका हुन् ।
सोमबार न्यायाधीश विश्वम्भरप्रसाद श्रेष्ठ र कुमार रेग्मीको संयुक्त इजलासले थापालाई उनको पार्टी राष्ट्रिय जनमोर्चाले गरेको निष्कासनको कारबाही कानुन बमोजिम नै रहेको ठहर गर्दै उनीमाथि गरेको कारबाही सदर गरेको हो ।