काठमाडौँ - राष्ट्रिय प्रजातन्त्र पार्टी राप्रपाले महाधिवेशन स्थगित गरेको छ। शनिबार बसेको बैठकले कोरोनाभाइरसको महामारीका कारण महाधिवेशन स्थगित गर्ने निर्णय गरेको हो। राप्रपाको महाधिवेशन २२ देखि २५ जेठसम्म काठमाडौंमा गर्ने तय भएको थियो।
तीनै अध्यक्ष सहभागी बैठकले पाँच दिनभित्रै निर्देशक समिति गठन गर्ने निर्णय गरेको राप्रपा केन्द्रीय सचिवालयका प्रममुखद्वय भाष्कर भद्रा र ध्रुवबहादुर प्रधानद्वारा जारी विज्ञप्तिमा उल्लेख छ। महाधिवेशनको नयाँ मिति पनि छिट्टै तय हुने राप्रपाले जनाएको छ।
यस्तै राप्रपाले कोरोना नियन्त्रण तथा संक्रमितको उपचारमा भइरहेको कमिप्रति चिन्ता व्यक्त गर्दै अस्पतालमा शय्या बढाउन, अक्सिजन आपूर्ति सहज बनाउन, आईसीयू, भेन्टिलेटर तथा अन्य स्वास्थ्य सामाग्रीको व्यवस्था गर्न सरकारसँग माग गरेको छ।