बुटवल । बुटवलमा आयोजित प्रचण्ड–नेपाल पक्षीय नेकपाको विरोध सभामा बोल्दै नेता बर्षमान पुनले प्रधानमन्त्री केपी शर्मा ओलीलाई जनयुद्ध र विभिन्न आन्दोलनले नै कुर्चीमा पुर्याएको भन्दै ओलीले जनयुद्धको अपमान गर्नु हास्यास्पद रहेको बताएका छन् ।
जनयुद्धका योद्धाहरुलाई केपी ओलीले फर्सी भनेकोमा असन्तुष्टि पोख्दै नेता पुनले भने–‘आन्दोलन र जनयुद्धकै कारण प्रधानमन्त्री आज कुर्चीमा छन् । उनका वरिपरि बसेका बादल र टोपबहादुर दुई ठूला फर्सी हुन् की होइनन् ?’
जनयुद्धका कारण नेपालमा स्वतन्त्रता र लोकतन्त्र स्थापना भएको बताउँदै उनले केपी ओलीले बाँदर भनेर जनयुद्धलाई सम्बोधन गरेको प्रति पनि तिखो व्यङ्ग गर्दै उनले प्रश्न गरे–‘उनका दुई छेउमा रहेका बादल र रायमाझी दुई बाँदर हुन् कि होइनन् ?’