काठमाडौं । राष्ट्रिय स्वतन्त्र पार्टीले कारबाही गरेपछि मुकुल ढकालले आफू रवि लामिछानेको क्लबबाट निष्कासित भएको प्रतिक्रिया दिनुभएको छ । पार्टीबाट निष्कासित भए पनि रविको पार्टीबाट राष्ट्रिय स्वतन्त्र पार्टी बनाउने संकल्प नरोकिने उहाँले बताउनु भएको छ ।
‘रवि लामिछाने क्लबबाट निष्कासित भएको हुँ। राष्ट्रिय स्वतन्त्र पार्टीभित्र घन्टी बज्न रोकिँदैन, रविको पार्टीबाट राष्ट्रिय स्वतन्त्र पार्टी बनाउने संकल्प रोकिँदैन, घन्टी बज्न रोकिँदैन । बाँकी कुरा भोलि...,’ ढकालले सामाजिक सञ्जालमा लेख्नुभएको छ ।
मंगलबार बसेको रास्वपा केन्द्रीय समिति बैठकले ढकाललाई महामन्त्री, पार्टी प्रवक्ता तथा केन्द्रीय समिति सदस्यबाट पदमुक्त गर्दै साधारण सदस्य मात्र रहने गरी कारबाही गरेपछि ढकालको यस्तो प्रतिक्रिया आएको हो।