बुटवल । नेकपा (एमाले) का उपाध्यक्ष बिष्णुप्रसाद पौडेलले विकास र राजनितिलाई सँगसँगै लैजानुपर्नेमा जोड दिनुभएको छ । पुर्व उपप्रधानमन्त्री समेत रहेका पौडेलले च्यासलको नीति सिहदरबार, बुटवलको निर्णय देउखुरी र हरेक पलिकाको नीति स्थानिय सरकारमा लैजानेगरि निर्वाचन जितेर मात्रै जनताको अपेक्षा पूरा गर्न सकिने बताउनुभयो । पौडेलले सबै नेता कार्यकर्ता विकाससँग जोडिदै जान पनि आग्रह गर्नुभयो । उहाँले भन्नुभयो, ‘विकास र राजनितिसँगसँगै लैजानुपर्छ ।’
एमाले रुपन्देहीको नव निर्वाचित जिल्ला कमिटीको सपथग्रहण तथा पदस्थापन कार्यक्रममा बोल्दै उनले एकताबद्ध भएर काम गर्न निर्देशन दिनुभयो । पौडेलले अधवेशनले पार्टी पंक्तिलाई उत्साहित र प्रतिस्पर्धीलाई निराश बनाएको बताउनुभयो । अधिवेशनले पार्टीको जीवनमा नयाँ जोश सञ्चार गरेको बताउँदै उहाँले अझ एकताबद्ध र सशक्त पार्टी निर्माण भएको बताउनुभयो । ‘पार्टीमा अन्तरविरोध र अलमल हुनेछैन अब अग्रगति र प्रगति हुनेछ’, नेता पौडेलले भन्न्ुभयो ।
गुण र दोष दुबै थाहा पाएका आफ्नै कमरेडलाई एकआपसमा दोषारोपण गरेर होइन, हरेकले गुणलाई आत्ससात गरेर कमिटीलाई चलायमान बनाउन कार्यकर्तालाई उहाँलेले सुझाव दिनुभयो । एकताको तागत अतुलनीय हुन्छ भन्ने कुरालाई व्यवहारिक बनाउन उहाँले नयाँ निर्वाचित कमिटीलाई निर्देशन पनि दिनुभयो ।
‘रुपन्देहीको पार्टी पंक्तिलाई प्रभावकारी परिचालन गर्ने, विकास निर्माणका काममा निगरानी र खबरदारी गर्ने, फराकिला सम्भावनालाई साकार पार्ने, आन्तरिक एकतालाई बलियो बनाउने, संगठनलाई सुदृढ, गतिशील र अनुशासित बनाउने, चेतना र चिन्ताका हिसाबले अग्रणी बनाउने, गुणस्तरीय संगठन, नेता कार्यकर्ता रहेको पार्टी बनाउने जिम्मेवारी नयाँ कार्यसमितिको काँधमा आएको छ ।’, उपाध्यक्ष पौडेलले भन्न्ुभयो ।
कार्यक्रममा बोल्दै एमाले पोलिटब्युरो सदस्य लिला गिरिले एमालेका नेता कार्यकर्ता उत्पादनसँग जोडिनुपर्ने बताउनुभयो । लुम्बिनी प्रदेशका पुर्वमुख्यमन्त्री समेत रहेका गिरिले पाटिका हरेक कार्यकर्ता उत्पादनसँग जोडिदै राजनितिमा क्रियशिल हुनुपर्ने बताउनुभयो । उहाँले रुपन्देही जिल्लालाई एमालेको लाल किल्ला बनाउनेगरि अगाडि बढ्न नवनर्वाचित कमिटिलाई भन्नुभयो, ‘रुपन्देहीको पाटि नेपालमै क्या बात भन्ने बनाउनु पर्नेछ ।’
उहाँले नेता कार्यकर्ताले आवश्क निर्णय गर्दा तल्लो कमिटि सधै माथिको नेताको आदेश कुरेर बस्न नपर्ने, जनपक्षिय निर्णय गर्दा सधै अग्रसर भई गर्न पनि आग्रह गर्नुभयो । उहाँले पाटिका नेता र जनप्रतिनिधिबिच तालमेल नहुदा धेरै कामको उठान नभएकोले पाटि कमिटि र पाटिका तर्फबाट तिनै तहका सरकारमा सहभागी जनप्रतिनिधिबिच तालमेल जरुरि रहेको पनि बताउनुभयो ।
पार्टीका पोलिटब्युरो सदस्य दधिराम न्यौपानेले पार्टीको नीति तथा सिद्धान्तलाई जनताको जीविकोपार्जनसंग तारतम्य मिलाएर प्रभावकारी काम गर्नुपर्नेमा जोड दिनुभयो । पार्टीका प्रदेश कमिटी अध्यक्ष राधाकृष्ण कंडेलले नवनिर्वाचित कमिटीलाई बधाई तथा शुभकामना दिंदै अबको नेतृत्वले थप कुशलता पूर्वक काम गर्नुपर्ने बताउनुभयो । पार्टीका नवनिर्वाचित अध्यक्ष यज्ञ गैरे, निवर्तमान अध्यक्ष तेजेन्द्र केसीलगायतले पार्टीको जिम्मेवारीलाई कुशलतापूर्वक निर्वाह गर्ने प्रतिबद्धता जनाउनुभयो ।
कार्यक्रमको सञ्चालन सचिव चित्रबहादुर कार्कीले गर्नुभएको थियो । पाटिको दशौँ जिल्ला अधिवेसनले यज्ञ गैरेको नेतेत्वमा नयाँ कमिटि चयन गरेको हो ।