बुटवल-नेपालमा पछिल्लो २४ घण्टामा ३ सय ८० जनामा कोरोना संक्रमण पुष्टि भएको छ। विभिन्न ३७ प्रयोगशालामा गरिएको परीक्षणमा पछिल्लो २४ घण्टामा उक्त संख्यामा कोरोना संक्रमित थपिएका हुन्।
स्वास्थ्य तथा जनसंख्या मन्त्रालयले नियमित पत्रकार सम्मेलनमा उक्त जानकारी दिइएको हो। सक्रिय संक्रमितको संख्या ६ हजार ५ सय ४४ जना छ भने ११ हजार ३८ जना क्वारेन्टिनमा रहेका छन्।
मन्त्रालयका प्रवक्ता प्राडा जागेश्वर गौतमका अनुसार पछिल्लो २४ घण्टामा ४० जना डिस्चार्ज भएका छन्। हालसम्म संक्रमणमुक्त हुने संख्या १६ हजार ३ सय ५३ पुगेको छ।
पर्सा, राैतहट, महाेत्तरी र काठमाडाैंमा सक्रिय संक्रमितहरू रहेका गाैतमले बताए। मन्त्रालयका अनुसार सक्रिय संक्रमितको संख्या ६ हजार ५४४ रहेको छ। क्वारेन्टाइनमा रहेकाहरुको संख्या ११ हजार ३८ रहेको छ।
कहाँ कति थपिए ?
डा गौतमका अनुसार बीपी कोइराला स्वास्थ्य विज्ञान प्रतिष्ठानमा गरिएको परीक्षणमा सुनसरीका ३ जना, कोशी अस्पताल विराटनगरमा गरिएको परीक्षणमा सिराहाका ४ जना, मोरङका २८ जना, प्रोदेशिक जनस्वास्थ्य प्रयोगशाला विराटनगरमा गरिएको परीक्षणमा झापाका ४ जना सुनसरीका ३ जनामा कोरोना संक्रमण पुष्टि भएको छ ।
यस्तै जगेन्द्र नारायण सिहं अस्पताल राजविराजमा गरिएको परीक्षणमा सप्तरीका १५ जना, प्रादेशिक जनस्वास्थ्य प्रयोगशला जनकपुरमा गरिएको धनुषाका ३५ जना, महोत्तरीका १५, रौतहटका एकजना, सप्तरीका २ जना, सर्लाहीका २ र सिन्धुलीका एकजना परीक्षणमा कोरोना संक्रमण पुष्टि भएको छ।
यस्तै नरायणी अस्पताल वीरगंजमा गरिएको परीक्षणमा बाराका ३ जना, सर्लाहीका एकजना, पर्साका ७१ जनामा संक्रमण पुष्टि भएको छ। यस्तै राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा काठमाडौंका ४४ ललितपुरका एकजना र नुवाकोटका ३ जनामा कोरोना संक्रमण पुष्टि भएको छ।
यस्तै शुक्रराज ट्रपिकल तथा सरुवा रोग अस्पतालमा गरिएको परीक्षणमा धनुषाका एकजना, काठमाडौंका १८ जना, भरतपुर अस्पतालमा गरिएको परीक्षणमा चितवनका ७ जना र नवलपरासी पूर्वका एकजना, पाटन अस्पतालमा गरिएको परीक्षणमा काठमाडौंका ५ जना, धनुषाका एकजनामा कोरोना संक्रमण पुष्टि भएको छ।
यस्तै वीर अस्पताल काठमाडौंमा गरिएको परीक्षणमा बाराका एकजना, रामेछापका एकजना, सिन्धुपाल्चोकका एकजना, स्टार अस्पतालमा गरिएको परीक्षणमा काठमाडौंका १३ जना, ललितपुरका एकजना र सर्लाहीका एकजनामा कोरोना संक्रमण पुष्टि भएको छ।
ह्याम्स अस्पतालमा गरिएको परीक्षणमा काठमाडौंका ८ जना, नेपाल कोरियामैत्री अस्पतालमा गरिएको परीक्षणमा धादिङक एकजना, काठमाडौंका एकजना, नवलपरासी पूर्वका एकजना र पर्साका २ जना, विरेन्द्र सैनीक अस्पतालमा काठमाडौंका एकजनामा कोरोना संक्रमण पुष्टि भएको छ।
यस्तै प्रादेशिक क्षयरोग केन्द्र पोखरामा गरिएको परीक्षणमा पर्वतका एकजना, प्रादेशिक जनस्वास्थ्य प्रयोगशाला रुपन्देहीमा गरिएको पाल्पाका एकजना, नलवपरासी पूर्वका एकजना, कपिलवस्तुका ६ जना, रुपन्देहीका ५ जनामा कोरोना पुष्टि भएको छ।
यस्तै भेरी अस्पताल नेपालगंजमा गरिएको परीक्षणमा बाँकेका २१ जना, बर्दियाका २ जना, लुम्बिनी प्रादेशिक अस्पतालमा गरिएको परीक्षणमा कपिलवस्तुका ११ जना, नवलपरासी पूर्वका एकजना, रुपन्देहीका ५ जनामा कोरोना पुष्टि भएको छ।
राप्ती स्वास्थ्य विज्ञान प्रतिष्ठानमा गरिएको परीक्षणमा दाङका ४ जनामा कोरोना पुष्टि भएको छ। यसैगरी सुर्खेत प्रादेशिक अस्पतालमा गरिएको परीक्षणमा दैलेखका एकजना र सुर्खेतका २ जनामा कोरोना पुष्टि भएको छ।
कर्णाली स्वास्थ्य विज्ञान प्रतिष्ठानमा गरिएको परीक्षणमा जुम्लाका ४ जना, कालिकोटका २ जना, डडेल्धुरा अस्पतालमा गरिएको परीक्षणमा बैतडीका एकजना, डडेल्धुराका ३ जना र डोटीका ८ जनामा कोरोना संक्रमण पुष्टि भएको छ।
२४ घण्टामा थप ४० जना कोरोना संक्रमणमुक्त
पछिल्लो २४ घण्टामा थप ४० जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या हालसम्म १६ हजार ३५३ पुगेको छ।
उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो। शनिबारको तथ्यांकअनुसार नेपालमा कोरोना संक्रमणमुक्त हुनेको संख्या १६ हजार ३१३ थियो।
मन्त्रालयका अनुसार हालसम्म कोरोनाका कारण ज्यान गुमाउनेको संख्या ७५ पुगेको छ।
