बुटवल-रुपन्देहीको सैनामैनामा ट्रक र पिकअप भ्यान ठोक्किँदा १ जनाको मृत्यु भएको छ। अरु ५ जना घाइते भएका छन्।
आईतबार बिहान ५:३० बजे सैनामैना-१ बनकट्टामा लु १ ख ४७९५ नम्बरको ट्रक र लु २ च २०२१ नम्बरको पिकअप भ्यान ठोक्किदा प्युठान स्वर्गद्वारी नगरपालिका ६ का ४० वर्षिय होमबहादुर घर्तिमगरको मृत्यु भएको प्रदेश ५ ट्राफिक प्रहरी कार्यालय बुटवलले बताएको छ। उनको उपचारका क्रममा बुटवलमा मृत्यु भएको हो।
दुर्घटनामा परी सोही ठाउँकै ३६ वर्षिय खेमराज परियार गम्भीर घाईते भएका छन् भने २५ वर्षका यमराज घर्तिमगर, ३५ वर्षकी चनु घर्तिमगर पिकअपका चालक २३ वर्ष का तेजेन्द्र बहादुर बुढा र दाङ राप्ती गाउँपालिका १ का जोठबहादुर घर्तिमगर घाईते भएका छन्।
घाइतेहरुको लुम्बिनी प्रादेशिक अस्पताल बुटवलमा उपचार भैरहेको प्रहरीले जनाएको छ।
